G SUITE, Google Classroom eta Matematika (019)
| Fasea | Ordu | Modalitatea | Hastapen | Final | Ordutegia | Asteko egunak |
|---|---|---|---|---|---|---|
| 1 | 25 | H - On Line | 2023/11/07 | 2023/12/11 | ||
| 2 | 5 | G - Txostena eta/edo memoria egitea |
Google Classroom ikasgela antolatzeko erremintarekin, matematika irakasteko erak proposatu nahi dira. Partehartzaileak, lehenik, ikasle bezala arituko dira lanean, ataza ezberdinak aztertuz eta osatuz. Ondoren, irakasle bezala aritzen direnean, ikasgela sortu eta antolatzen ikasiko dute, Google Classroom eta bestelako matematikako aplikazioen bidez. Azkenik, era aktiboan eta hezigarrian kudeatuko dute sortutako ikasgela, lanak bidali, ebaluatu eta kalifikatzeko aukera ezberdinak erabiliz.
- Ekimen eta izpiritu ekintzailea
- Elkarrekin bizitzen ikastea
- Gaitasun matematikoa
- Gaitasun teknologikoa
- Gaitasun zientifikoa
- Hitzezko eta hitzik gabeko komunikazioa eta komunikazio digitala
- Ikasten eta pentsatzeko ikastea
- Izaten ikastea
- Aditua gelan ikasteko egoerak proposatzeko, aplikatzeko eta ebaluatzeko
- Aditua gelan ikasteko prozesuak ikertzeko, berritzeko, garatzeko eta ebaluatzeko, praktikari buruzko hausnarketatik
- Aditua proposamen didaktikoak ikasleen premia eta aniztasunera doitzeko eta egokitzeko, ikuspegi inklusibotik
- Irakasleak orokorrean
- Derrigorrezko Bigarren Hezkuntza (1. eta 2.) Matematika irakasleak
- Derrigorrezko Bigarren Hezkuntza (1. eta 2.) Natura Zientziak irakasleak
- Derrigorrezko Bigarren Hezkuntza (1. eta 2.) Teknologia irakasleak
- Derrigorrezko Bigarren Hezkuntza (3. eta 4.) eta Batxilergoa Biologia eta Geologia irakasleak
- Derrigorrezko Bigarren Hezkuntza (3. eta 4.) eta Batxilergoa Fisika eta Kimika irakasleak
- Derrigorrezko Bigarren Hezkuntza (3. eta 4.) eta Batxilergoa Informatika irakasleak
- Derrigorrezko Bigarren Hezkuntza (3. eta 4.) eta Batxilergoa Marrasketa irakasleak
- Derrigorrezko Bigarren Hezkuntza (3. eta 4.) eta Batxilergoa Matematika irakasleak
- H.H. Lehen Hezkuntza Matematika
- H.H.Derrigorrezko Bigarren Hezkuntza Zientifiko-Teknologiko irakasleak
GSuite, Google-ek eskaintzen dituen tresnak erabiliz, partekatzeko eta lankidetzan aritzeko bide aproposak direla ohartu eta erabiltzen ikastea da helburu. Hauen artean hezkuntzara zuzenduta dagoen Google Classroom-ekin, ikasle-taldeak, gelak, galderak, jarduerak sortuko ditugu.
Matematika saioak, dinamika parte hartzaile honen bidez, nola aberas daitezkeen erakutsi eta irakatsi nahi da. Classroom-ekin lotura duten aplikazioak aztertu, Matematika dokumentuak (formulak, grafikoak...), galdetegiak, ariketa interaktiboak, taldekide guztien erantzunak jaso eta emaitzak taldean ikusi eta komentatu... Hori guzti hori, nola gorde eta berrerabiltzen ere ikasiko dugu.
Partaideek beren garapen, galdera eta ezagutzak partekatzeko foroak egongo dira. Baliabideak eskuragarri egongo dira beti ikastaroko partaideentzat.
Hauek izango dira landuko diren saioak:
1. saioa: Aurkezpena. GSuite-en sarrera, Classroom ikasle bezala eta adibide bilduma.
2. saioa: Irakasle bezala. Sortu ikasgela.
3. saioa: Irakasle bezala. Ikasgelako lanaren antolaketa.
4. Saoia: Irakasle bezala. Bestelako programak.
5. Saioa: Irakasle bezala. Ikasgelaren kudeaketa.
Ikastaroko metodologia aktiboa, partehartzailea eta elkarlanekoa izango da.
Google Classroom nola antolatuta dagoen eta zer nolako aukerak ematen dizkigun aztertu eta landuko dugu ikastaroan zehar. Saio bakoitzean Google Classroomen ezaugarri edo atal bat azalduko da, matematikari lotutako adibideak erabiliz. Ikaskuntza prozesua errazteko asmoz, bideotutorialak erabiliko dira, pausoz pauso erreminta bakoitzaren funtzionamendua eta jarduerak nola egiten diren azalduko dutenak. Saio bakoitzean irakasleak ikasleen zalantzak argitu, lanak zuzendu, ebaluatu eta iradokizunak egingo dizkie, beraien lanari buruz zein ikastaroan izandako zailtasun, gomendio eta ideiei buruz.
Ikastaroko parte-hartzaileek hasieran ikasle bezala arituko dira, balibide eta erramintak ikasleen ikuspuntutik ezagutzeko. Ondoren, irakasle izatera pasako dira: beraien gela sortuko dute; ikasle taldeak eratuko dituzte; jarduera didaktikoak prestatuko dituzte; eta azkenik, gela dinamizatuko dute. Hau da: ikasle eta irakaslearen arteko feedbacka sorraraziko dute, ikasleen jarraipen zuzen egingo dute eta ikasleak ebaluatuko dituzte. Sortutako materiala nola biltegiratu eta berrerabili ikasiko dugu. Ikastaroan egindako lanak gordetako portfolioa osatzeko erabiliko dugu Classroom.
Beharrezkoa izatekotan, ikastaroan zehar bideodeien bidez online saioak egin daitezke.
Ikastaroaren bukaeran, parte-hartzaileengandik jasotako feedback-az gain, ikastaroari buruzko asegarritasun inkesta bat egingo zaie.
Matematika ikasteko modu berri bat aurkeztu nahi da ikastaro honetan; ikasgelan lan metodologia aktiboagoa, sortzaileagoa, parte hartzaileagoa, motibatzaileagoa eta pertsonalizatua ekarriko duena, eta irakaskuntza ikaskuntza prozesua hobetuko duena.
Hau guzti hau, neurtzeko, irakasleak saioz saio zuzendu eta ebaluatu, baina batez ere, iradokizun hezigarriak egingo dizkie parte-hartzaileen ideia, zalantza eta gomendioei.
Ebaluaziorako zera hartuko da kontuan:
- Eskatuko diren atazak egitea.
- Proposamen didaktiko horiek (atazek) eta baita horiek gelan ikasleengan izandako eragina, foroen bidez ezagutu eta partekatzea.
- Ikastaroan zehar agertzen diren zalantza edo arazo teknikoak foroetan adieraztea eta argitaratukoari erantzutea.
- Sortutako lana Classroom-en biltzea.
Google Classroom