Argi dago azken urteotan aldaketa handiak izan direla komunikazio prozesuan.
Edukien ekoizpena, kontsumo-errutinak, euskarriak etengabe ari dira aldatzen, etaaldaketa horiek eragina dute, nola ez, ikasleekin komunikatzeko dugun eran eta haien arteko komunikatzeko moduan.
Eta ze komunikazio-elementu erabiltzen ditugu irakasleok? Aurkezpenak, azalpenak, ikasgelako ariketak, etxerako lanak, proiektuak, ebaluaketa, etab.

Barruratuko garen mundu honetan, elementu horiek guztiak hobetzeko aukera ugari izango ditugu:

■ Ikasleengana hurreratzeko moduak azalduko ditugu;
○ avatar-rak eta stickerrak eratzea ikasle eta irakasleen elkarreraginean erabiltzeko,
○ emojiaz baliatzea komunikazio hurbilagoa egiteaz gain, arinagoa egiteko,
○ kartak, intsiginiak eta dominak sortzea, lorpenak edo onarpenak erakusteko,
○ pertsonaiei edo objektuei bizia eman ahal diegu, nahi dugun mezua era berezian helarazteko.

■ Class Dojo eta antzeko tresna erakargarriak ikusiko ditugu, ikasleei beren indarren eta landu beharreko puntuen etengabeko feedbacka emateko.

■ Kontzeptu konplexuak ulertzen lagunduko duten analogia errazak ezagutuko ditugu.

■ Gure aurkezpenei infografiak gehituko dizkiegu, askoz erakargarriagoak izan daitezen. Powerpoint aplikazioak eskaintzen dizkigun baliabide asko ikusiko ditugu, klaseak askoz aberasgarriagoak eta emankorragoak izan daitezen.

■ Zalantzarik gabe, gaur egun informazio bisuala funtsezkoa da, eta, hori menderatu ahal izateko, bideoa editatzeko, eta ikuste hori zerbait dinamikoagoa eta interaktiboagoa bihurtzeko tresna batzuk ezagutuko ditugu. Dinamizatzea, klase motibagarriagoak prestatzea, ikasleen parte-hartzea bultzatzea..., guzti hori lortzeko jolasak dira gure aliaturik onena. Milaka aukera daude sarean, batzuk banaka jolasteko dira, beste batzuk taldean, elkarren artean desafiatzeko edota denak batera ikasgelan jokatzeko. Mundu honetan, ikasgelan erabilitako aukera asko eta hainbat tipologietakoak aztertuko ditugu; betikoak, telebistan agertzen direnak, mugikorren bidez erabiltzen direnak, e.a. baina hori bai, guztiak curriculumaren hainbat alderdi lantzera bideratuta daude. Jokoetan Oinarritutako Irakaskuntzari (JOI) edo gazteleraz “Aprendizaje Basado en Juegos (ABJ)” gaiari buruz ari gara. Ikusiko duzuenez, ezinezkoa da aukera guztiak erabiltzea baina, hala ere, erabilgarrienetako batzuk landuko ditugu:
■ Brainbox jokua gure ikasgaia lantzeko balio ahal zaigu, beraz gure beharretara moldatzeko hainbat aukera eskainiko dizuegu.
■ Nork izan nahi du aberats lehiaketa oso aproposa da galdera ezberdinak egiteko eta hainbat kontzeptu jorratzeko.
■ Descartes proiektuak aukera ezin hobea eskaintzen digu telebistan agertzen diren jokoak ikasgelara eramateko, hala nola "The Wheel Fortune" (La ruleta de la fortuna) edo "Boom"...eta gainera euskaraz!.
■ Bingoa ere matematika ikasteko modu zirraragarria izan daiteke.
■ Ospakizun bereziak aprobetxa ditzakegu, joku matematikoak proposatzeko eta
■ Erritmo ezberdinei erantzuna emateko hainbat sareko baliabide aurkeztuko ditugu, ikasle bakoitzak bere beharretara egokitzen den errekurtsoa topa dezan.
■ Jokoaz ari garenean, lehiakortasun logikoa eragitea oso osasungarria da. Hori lortzeko, Flippity edo echaloasuerte moduko tresnak daude; taldeak osatzeko, puntuen rankinga ikusteko eta pertsonalizatzeko, ikasleak inplika daitezen. Azterlan askok diote ikasleek beren kabuz egiten dutena askoz hobeto ikasten dutela entzuten, irakurtzen edo ikusten dutena baino. Baina maiz, ez da hain erraza laborategi bat izatea, arazo erreal bat planteatzea, edota kontzeptu generiko bat ulertaraztea eta, horretarako, simulagailuak dira tresnarik eraginkorrenetakoak. Gero eta simulagailu gehiago topa ditzakegu, ikasgelan gure helburuak lortzeko aproposak izan daitezkeenak. Azken urte hauetan, errealitate areagotua ere sortu da eta oso lagungarria izan daiteke. Mundu honetan, horietako batzuei buruz hitz egingo dugu, besteak beste, Phet, Geogebra eta Educaplus plataformak, eta jada erabilitako jarduera praktikoak erakutsiko ditugu. Horrez gain, robotika eta zirkuitu elektrikoak lantzeko simulagailu espezifikoak ikusiko ditugu, Baina dinamizatzeko dinamizatzaile bat egon behar da eta horrek esan nahi du irakasleen rola aldatu behar dela. Zalantzarik gabe, erronka garrantzitsua da, eta ez da batere erraza gaitasun horiek lortzea. Mundu honetan, baliabide eta aholku asko jasoko ditugu, oso ohiko jarduerak era dinamikoan eta erakargarrian planteatzeko, ariketak zuzentzea barne. Mundu honi staging edo eszenaratzea deitu diogu. Ikasgelak ez dira soilik edukiak ikasteko esparruak, esperientziak bizitzeko lekuak baizik.
Hori lortzeko, hedatu zure hezkuntzari buruzko ikuspegia erreminta hauekin:
■ Gaiak edota problemak askoz modu erakargarriagoan aurkezteko aukerak ikusiko ditugu, besteak beste; memeak eta, sorgailu faltsuak (whatsapp, egunkariak, fb, ea.).
■ Nork dio matematika abstraktua dela? Kontzeptu konplexuak lantzeko matematika manipulatiboak ezagutuko ditugu, hala nola bigarren mailako ekuazioak ebazteko metodo alternatiboa.
■ Talde-lana, zereginen banaketa, denboraren kudeaketa eta lankidetza sustatzeko tresna egokienak ihes-gelak eta break-outak dira. Jarduera-mota horiek hainbat irakasgaitan praktikan jartzeko modu errazak ikusiko ditugu.
■ Jolasetan eta dibertsioan oinarritutak, giro egokiago sortzen laguntzen duten baliabideak; alegia, buzzers pad.
■ Problemak aurkezteko era berezi bat ezagutuko dugu, agertokiak erabiltzen duena.
■ Askotan, gelan bideoak erabiltzen ditugu kontzeptuak azaltzeko, pentsamendu kritikoa pizteko, etab. Kahoot edo Plickers bezalako tresnak ikasleen aurre-ezagutzak jakiteko, edo bideoetan ikusiko dutena modu eraginkorragoan jasotzeko oso erabilgarriak dira.
■ Saiatu al zarete inoiz "Among Us" aipatzen gelan? Izugarri gustatzen zaie joko honekin zerikusia duen edozer. Beraz, gure jarduerak askoz entretenigarriagoak eta erakargarriagoak egiten lagunduko diguten hainbat baliabide erakutsiko dizuegu. Mundu hauetan zehar, hainbat kontzeptu agertu dira, hala nola, gamifikazioa, JOI eta Simuladoreak. Hauek guztiak ezberdintzea ez da batere erraza, beraz ikastaroari amaiera eman baino lehen horren inguruan hausnartuko dugu.