Eguneroko bizitzaren Historia ikasle kuriosoentzat: familia-harremanak eta Erromatar Inperiotik gaur egunera arte transmititutako rolak (192)
| Fasea | Ordu | Modalitatea | Hastapen | Final | Ordutegia | Asteko egunak |
|---|---|---|---|---|---|---|
| 1 | 25 | H - On Line | 2023/11/02 | 2023/12/15 | 00:00-24:00 | Al-As-Az-Og-Or |
| 2 | 5 | G - Txostena eta/edo memoria egitea | 2023/12/11 | 2023/12/14 | 00:00-24:00 | Al-As-Az-Og |
Gure bizimodua ez da kasualitate hutsa. Baina, ezagutzen al dugu giza historia? Nola heldu gara gu honaino? Historiak galdera asko erantzuten dizkigu eta gure errealitatea ulertzeko ezinbesteko tresna da. Ikastaro honetan familiaren historia ezagutuko dugu, gizakiaren sorreratik gaur egun arte. Bestalde, generoa eta rolak aztertuko ditugu, ezinbesteko gaiak baitira familia-harremanak ulertzeko. Baita gizartea eta kultura-aniztasuna ere. Ikastaro honen esentzia historia ezagutzearekin batera gogoeta egitea izango da, kritika konstruktibotik. Horrenbestez, ikastaroa teorikoa izango da alde batetik. Eta bestetik, praktikoa, ikasleek lanketa propioa egin dezaten jasotako ezagutzen bitartez hausnarketa eta iritzi propioa garatzeko.
- Gaitasun sozial eta zibikoa
- Ikasleen lorpenera bideratuta dago
- Bigarren Hezkuntzako irakasleak
- Derrigorrezko Bigarren Hezkuntza (1. eta 2.) Gizartea irakasleak
- Derrigorrezko Bigarren Hezkuntza (3. eta 4.) eta Batxilergoa Dibersifikazioa Sozio- Hizkuntzak irakasleak
- Derrigorrezko Bigarren Hezkuntza (3. eta 4.) eta Batxilergoa Geografia eta Historia irakasleak
- H.H.Derrigorrezko Bigarren Hezkuntza Gizarte irakasleak
-
Familia ereduak
-
Generoa eta rolak
-
Identitatea, orientazioa, sexua eta generoa
-
Kultura-aniztasuna
-
Historiaurretik historia modernora
-
Gaiarekin loturiko eduki, kontzeptu, metodologia, edota materialaren erabilerak.
-
Norberaren ekarpenen balorazioak eta hausnarketak.
Ikastaroa parte-hartzailea eta praktikan oinarritutakoa izango da, hots, ikastaroaren metodologia aktiboa, berritzailea, IKTez hornitua eta konpetentzietan oinarritutakoa izango da (Heziberri 2020rekin bat eginik). Izan ere, eguneroko lanean aurki ditzaketen arazoak edo erronkak planteatuko zaizkie, jarduera ezberdinen bitartez bidera ditzaten.
Zentzu horretan, ikastaroa bere osotasunean partaideen aurre ezagutzetatik abiatuko da, eta teoria bizi esperientzietan eta eguneroko lan jardunean kokatzea izango du helburu. Era berean, ikastaroak alde teorikoa eta praktikoa uztartuko ditu, ikasle bakoitzaren ikaskuntza-prozesuaren ibilbideari eta konpetentzien garapenari garrantzi handia eskainiz. Izan ere, partaidea bera izango da, interakzioa eta komunikazioa ardatz izanda, norbere ezagutzak eraikitzearen arduradun. Sortze prozesu horren akonpainamendurako, eduki kontzeptualak idatzizko zein ikus-entzunezko materialen bidez landuko dira (dokumentuak, artikuluak, liburuak, bideoak, galdetegiak, H5Pak, etab). Horrez gain, gaian sakontzeko parada egon dadin, beharrezkoa denean material osagarria gehituko da, baliabide didaktiko desberdinez osatua.
Ikasleen ebaluazioa jarraia izango da, ikasle bakoitzaren benetako garapena baloratu ahal izateko.
Ikastaroa gainditu ahal izateko, bi baldintza bete beharko dira:
1) Nota orokorraren %60a lortu beharko du ikasleak.
2) Proiektua entregatu eta gainditu beharko du
- Moodle plataforma erabililko da