Emozio adimena etxean eta ikastetxean lantzeko proposamenak (069)
| Fasea | Ordu | Modalitatea | Hastapen | Final | Ordutegia | Asteko egunak |
|---|---|---|---|---|---|---|
| 1 | 25 | D - Presentziala eskola-ordutegitik kanpo | 2023/09/19 | 2023/10/24 | 17:00-19:30 | As-Og |
| 2 | 5 | G - Txostena eta/edo memoria egitea |
Eskolan, adimen emozionalari gero eta garrantzi handiagoa ematen bazaio ere, oraindik lana badago egiteko. Txikitatik ikasleak emozioen garrantziaz kontzientziatzen baditugu eta horretan trebatzen irakasten badiegu, etorkizunean gatazka emozional gutxiago izango dituzte. Haurtzaroa eta nerabezaroa garai aproposa da eduki horiek barneratzeko; eta etorkizuneko zailtasun emozionalei aurre egiteko aukera izan daiteke. Heziketa emozionala onuragarria da bizitza pertsonalerako, eta bizitza profesionalerako ere. Familian, eskolan eta gizartean egin behar dira heziketa honetarako esku-hartzeak, gizartearen osasun mentalean eraginkortasuna izan dezaten. Lan honetan adimen emozionalari buruzko oinarriak azaltzen dira; horien garrantzia azpimarratzen da, eta eskolan egin daitezkeen hainbat ariketa proposatzen dira.
Eskola inklusiboa garatzeko Esparru Planak (2019-2022) dioenez, hezkuntza-arloko esku-hartzeak pertsona guztien eskubideak hartzen ditu kontuan, eta ikasle guztien konpetentzia guztien ahalik eta garapenik handiena bermatu behar du, konpetentzia sozio-emozionala barne sartuta ere.
Ikastaro honetan eskolako emozioen lanketari buruz sakonduko dugu, eta Haur eta Lehen Hezkuntzan aplika daitezkeen ariketa eta metodologia berritzaileen inguruko hausnarketa egiten lagunduko gaitu. Irakasle guztiek argi dute eskolako helburu nagusia pertsonaren gaitasun guztiak garatzea dela; halere, askotan, hasierako ebaluazioa planteatzerakoan, eduki kontzeptualak behatzen dira, baina biltzen den informazioa oso orokorra izaten da: talde ona den, mugikorra, arreta gutxikoa...
Planak egiterakoan, kontzeptuei ematen zaie garrantzi handiena eta ez da era sistematizatuan eratzen taldearen egoera afektiboa hobetzeko programarik. Garrantzitsua da irakasleek ikasleei trebetasun sozialak irakastea; ikastaro honen bidez, adimen emozionala zer den eta eskolan nola landu daitekeen aztertuko da.
- Elkarrekin bizitzen ikastea
- Gaitasun sozial eta zibikoa
- Izaten ikastea
- Aditua arazoak eta gatazkak ebazteko
- Aditua zeharkako eta diziplina gaitasunekin loturiko prozedurak eta jarrerak erakusteko
- Irakasleak orokorrean
Aurkezpena-. EgelaPi plataforma eta ikastaroaren ezaugarriak. (2,5 ordu)
1. Modulua -. EAEko hezkuntza-eredu pedagogikoa, pertsonaren garapen osoa bilatzen duten diziplina eta zeharkako gaitasunetan oinarritutako eredua. (2,5 ordu)
2. Modulua -. Emozioak eta sentimenduak: Definizio, sailkapen, eginkizunak, ezaugarriak eta harremanak pentsamendu eta jokabideekin. Emozio eta sentimendu ezberdinen ondorioak gure osasuna, gizarte portaera, ahalmen kognitibo eta gorputzaren biokimikaren gainean. (5 ordu)
3. Modulua-. Arazo emozionalak konpontzeko trebetasunen entrenamenduari eta irakasten diren trebetasunei buruzko alderdi teorikoak. Ikastetxean ezartzeko gomendioak. Nahasmen emozionalak. (5 ordu)
4. Modulua-. Eskuhartzea: jarraibide didaktikoak Emozio Adimenean. (2,5 ordu)
5. Modulua-. Estrategiak eta dinamikak emozio eta sentimenduen identifikazio, azterketa eta adierazpenarekin lotuta Metodologia eta gelako praktika egokiak. (5 ordu)
6. Modulua-. Estrategiak/dinamikak emozio ezezkorrak kudeatzeko eta emozio positiboak sustatzeko. (2,5 ordu)
Azken atala -. (5 ordu).
Ikastaroa, modalitate presentzialean garatuko den arren, IKT-en soportea izango du ikastaroaren jarraipena behar den bezala eta erregistratua egin ahal izateko.
Bestalde, ikasketa-prozesua indartu egingo da taldean lan egiteko espazio baten bidez. Espazio horretan, ikasleek foro pribatu bat izango dute praktikak edo lanak egiteko eta proposamenak irakasleari eta taldeko gainerako kideei bidaltzeko. Gainera, partaideen tutoretza eta arreta erregimen iraunkorra dakar.
Asistentzia: ikastaroak presentzialak izango dituen 10tik 8 saioetara bertaratzea derrigorrezkoa izango da ikastaroaren azken balorazioan GAI izateko aukera izateko. Justifikatutako faltak irakasleen bitartez zuzendariak jasoko ditu eta larritasunaren arabera justifikazioaren arrazoiak aztertu izango dira salbuespenen bat egitea beharrezkoa bada.
Ikastaroaren aurkezpenean zehaztuko dira, fase hauetako ebaluazio-une eta tresna zehatzak ezberdinduz: hasierako fasea, garapen fasea, aplikazio- eta komunikazio-fasea eta orokortzea eta transferentzia.
,
