Historian zehar aurki daitezkeen garaietan sentimenduak era desberdinean adierazten zituztela esan genezake. Ez da bera Grezia klasikoan pertsonarekiko aurkez zezaketen adierazpena (arimarekin eta katarsiarekin lotu daitekeena), edota XIX. mendean Erromantizismoarekin (sublime eta pintoresko) adierazpen teknika. Arteak, urteen poderioz, bizi izan duen garapenarengatik, sentimenduen adierazpena era desberdinetan adieraztea lortu du. Garapen horrek gure oraingo garaian era batean eragin du, eragina ezagutzeko atzetik datorren ibilbidea ezagutu behar dena.

Era horretan, proiektu honen helburua Arteak bizi izan duen garapenaren bidez aurkezten duen sentimenduen adierazpenaren azterketak ezagutzean datza. Dagokion garaian, artelana aztertuz, sentimenduaren aplikazioa ''nola'' eta ''zergatik'' adierazten den jaso, baloratu, aztertu eta zabaltzen jakitean. Artearen historiografiak banatzen dituen garai desberdinak kontuan hartzea beharrezkoa hartzen da, garaiak hobeki zehazteko eta ideia/sentimendu lotura artelanarekin gauzatzeko. Horren bidez, uneko filosofia kontuan izanik Artearen aplikazioa aztertuko da. Filosofiarekin eta artearekin erlazionatu beharrezko diren perspektiba garaikideekin (genero sexu aniztasuna, kultura aniztasuna, aniztasun funtzionala) lotzea zilegi eta zuzena uste da. Horren bidez, proiektu honen perspektibaren bidez ikastoletan bai historia, Artea eta filosofiaren arteko lotura gauzatzeko proiekzioa erakutsiko da. Honela, proiektua artearen historiografiatik eta filosofiatik garatua izango da.

Artearen historiografiari dagokionez artearen bilakaera aztertzen lagunduko digu. Dagozkion garaiko teknika desberdinak aztertuko dira ''arte''a deritzon kontzeptuaren sorreratik (Greziako ars-techne mimetike-tik) gaur egungo garaira arte. Filosofiari dagokionez garaian garaiko pentsamendua aztertzen lagunduko digu. Pentsamenduaren ezagutzak artelanen azterketarako beharrezko lagungarri izango dugu, artean eragin den esanahi filosofikoak bertan aurkeztu den sentimendua adieraziko digu eta.