Adimen emozionala ikaskuntzaren arlo garrantzitsu bezala nabarmendu den honetan, ikasleek euren emozio, ideia eta portaeraz jabetzea eta hauen erregulaziorako behar dituzten estrategiak erabiltzera bideratu behar ditugu, sortu daitezkeen arazo edota gatazka ezberdinei erarik eraginkor eta osasuntsuenean aurre egiteko. Arazoak gure bizitzaren parte diren heinean (Cardeñoso, 2006), eremu akademikoaren parte ere badira, bai arlo intrapertsonalean (adb., talde lanetan arazoak) eta baita interpertsonalean (adb., estresaren kudeaketa; D’Zurilla et al., 2002).

Arazoei aurre egiteko trebetasunetan ikasleak trebatzeko eta honekin lotutako aldagai emozionalak lantzeko beharrezkoak diren oinarriak partekatzen dira Uda Ikastaro honetan, partaideak teorian eta gaur egungo errealitatean oinarritutako esku hartzeak diseinatzeko asmoz. Izan ere, trebetasun hauen lanketak ez ditu bakarrik ikasleen bizitza akademikoan onurak ekarriko, bizitza pertsonalean ere onurak ekarriko ditu, garapen integral bat bideratzen (De la Fuente et al., 2022).